FNAST.NET ye un mediu de comunicación dixital que tién l'enfotu de recoyer tola información sobre l'actualidá musical alternativa asturiana. Nacemos del compromisu pa cola música d'Asturies, naguando por faer d'esta páxina web un puntu d'alcuentru onde axuntar a tolos grupos y estilos musicales. Puxamos pola escena musical alternativa asturiana por aquellos grupos que sienten la música como una pasión y non como una simple mercancía más. Defendemos que la música seya daqué accesible a tol mundu, entendiendo la llibre difusión de la cultura como'l mediu p'algamalo.
Expresámonos en llingua asturiana manifestando'l nuesu compromisu pa cola nuesa llingua, naguando por ampliar el so usu a nuevos espacios. Creyemos nun mundo más xustu basáu na horizantilidá ente les persones y con un modelu económico social y cultural diferente dafechu del que nos imponen anguanu.
Si compartes lo que pensamos, si yes músicu o amante de la música d'asturies. Si quiés tar informáu de tolo relacionáu col panorama musical alternativo asturianu, nun lo dudes y visítanos. FNAST.NET
0 comentarios:
Publicar un comentario